المحرر موضوع: مجموعة من اجمل ما كتب الرائع بيرم التونسى  (زيارة 2201 مرات)

0 الأعضاء و 1 ضيف يشاهدون هذا الموضوع.

غير متصل ابن الكنانة

  • مشرف العلاقات العامة
  • عضو مميز
  • *****
  • مشاركة: 3728
مجموعة من اجمل ما كتب الرائع بيرم التونسى
« في: يوم 03-05-2010 , س 23:47:41 مسائاً »
يا بــنت باني الهرم لمي هلاليلك

يا بــنت باني الهرم لمي هلاليلك
و البرقع اللي انخرم ويا مناديلك
يكفي لومان في الحرم في قيد خلاخيلك
ما شفت زيك سجين ساكت و متاوي
غلبت اقول للرجال خلوا المره حره
تخش رخره المجال تفهم و تـتـدرى
العاقله بنت الحلال ما يضرهاش بره
لكن بتنصح ف مين روس جامده صنطاوي
جهل النسا بالعلوم خلانا انتيكه
نفهم في فن الهدوم رقعه و تشتيكه
وفي البلد عالعموم ما تلقى فابريكه
غير فابريكات الطحين فليحيا بدراوي
راية ولاد العرب في الارض منكوسه
طول عمرها و السبب احسان و نفوسه
والله اللي قال ما كدب نسوانا موكوسه
حتى اللي متعلمين بردون يا شعراوي

---------- Post added at 11:43 PM +03:00 ---------- Previous post was at 11:41 PM +03:00 ----------

عجلي ملخبط


عجلي ملخبط يا خلايج و عنيه مزغللين
من نسوانك يا فرنسا البيض العريانين
يا صلاة الزين يا ما شا الله يا ولاد عالنساوين
على شط السين يا محمد نايمين و ممدين
واحده عاتعوم في الميه و التانيه في الكابين
لابسين خلجات للركبه دايبين و مجطعين
و اللحم زبده طريه كاسياه الفساتين
مطرح ما دوس و اطبش ملجاشي الا عجين
ونا هاتعجب يا خوانا يخرب عجلي التخين
اشمعني جفاهم ابيض و جفايا زي الطين
ونا ناشف ليه و معضم ودولاته متختخين

---------- Post added at 11:46 PM +03:00 ---------- Previous post was at 11:43 PM +03:00 ----------

باريس تقول قصّروا الفساتين



باريس تقول قصّروا الفساتين....نقصرها
ترجع تقول طّولوا .... حالاً نجرجرها
و في الشتا - قوّروا القمصان....نقورها
و في الصيف زرّروا الأرّواب....نزررها


و تقول باريس أحلقوا الشنبات .... نحلقها
و تقول لنا الدقن مودة اليــــوم .... نلزقها
و تقول لنا استعملوا الشورتات .... نسبقها
و تقول كمان اقلعوا الطرابيش .... نكعورها


و تقول ((فيينا)) ارقصوا....نحيّ ليالينا
و تقول ((موناكو)) العبوا....نفتح نوادينا
و تقول ((جلاسجو)) اشربوا....نسكرلهاطينة
و الخمرة قال مش حرام ....والجوزة نكسرها


عميان و عايزين لنا مجانين.... تسحبنا
و لو يخوضوا بنا الأوحال.... يعجبنا
مين شاف خلافنا أمم بتحب.... جزارها


يارب تسلم باريس و تصوم وتصلي
و تكون موضتها سبح ولاّ طرح تلي
عشان ما تصبح سعاد وأم الهنا و نيللي
غير ربنا ذو الجلال ما يشوفش ضوفرها

---------- Post added at 11:47 PM +03:00 ---------- Previous post was at 11:46 PM +03:00 ----------

القلب يعشق كل جميل


القلب يعـشق كـل جميل ,,,,,وياما شفت جمال يا عين
واللي صدق في الحب قليل,,,,,وإن دام يدوم يوم ..ولايومين
والـلـي هـويته اليوم,,,,,دايـم وصـــالــه دوم
لا يعاتـب اللي يتـوب,,,,,ولا في طـبـعـه الـلـوم
واحــد مفيـش غيره,,,,,مــلا الوجــود نـوره
دعـــانـي لبيتـه,,,,,لحـد بـاب بــيـتـه
ولــمـا تـجـلالــي ,,,,,بالــدمـع نـاجـيـتـه
********************


كـنـت أبـتـعد عـنـه,,,,,وكــان يـنـادينـــي
ويـقـول مـصـيرك يـوم,,,,,تخـضـع لـي وتـجـينـي
طاوعــني….. ياعـبـدي ,,,,,طـاوعـنـي أنا وحــدي
أنـا الـلـي أعـطـيـتك,,,,,مـن غـير مـا تـتـكـلـم
وأنـا الـلـي عـلـمـتك,,,,,مـن غـير مـا تـتـعـلـم
والـي هـديـتـه إلـيـك,,,,,لـو تـحـبـه بـاديــك
تـشـوف جـمـأيـلـي عـلـيـك


من كـل شـئ …أعـظـم ,,,,,ســلـم لـنـا تـسـلـم
دعــانـي لــبـيـتـه,,,,,لـحـد بــاب بـيـتـــه
ولـمـا …. تـجـلالـي,,,,,بـالـدمـع نـاجــيــتـه
*****************
مـكـه وفيها جبال النـور,,,,,طـالـه علي البـيـت الـمعمور
دخـلـنا بـاب الـسـلام,,,,,غـمـر قـلـبـنـا الـسـلام
بـعـفـو رب غـفـور
فـوقـنا حـمـام الحـمي,,,,,عــدد نــجـوم الـسـمـا
طـأيـر علينـا يـطـوف,,,,,ألـوف تـابـع الـــوف
طايريهني الـضـيـوف,,,,,بالـعـفـو والـمرحـمـة
والـلـي نـظـم سـيـره,,,,,واحــد مـفـيـش غـيره
دعــانـى لـبــيـتـه,,,,,لـحـد باب بـيـتـه
ولــمـا تـجـلالــى,,,,,بالــدمـع نـاجـيـته
****************


جـيـنـا عـلـى روضـه,,,,,هــالـه من الـجـنـه
فـيهـا الأحـبـة تـنـول,,,,,كـل الـلـى تـتـمـنى
فـيـهـا نـور عـلـى نور,,,,, وكـاس مـحـبـة يدور
والـلـى شـرب …. غـنـى


ومـلايـكـة الـرحـمـن,,,,,كـانـت لـنـا … نـدمـان
بالـصـفـح والـغـفـران,,,,,يـنـولـو مــــا نـلـنا
يـاريـت حــبـايـنـا,,,,,يـنـولـوا مــــا نـلـنا
يــارب تــوعــدهـم,,,,,يــارب واقــبــلـنـا
دعـــانـى لـبـيـتـه,,,,,لـحـد بــاب بـيـتــه
ولــمــا تـجـلالـى,,,,,بالــدمـع نــاجــتــه

غير متصل صوت الإيمان

  • نجمة رتوش
  • عضو مميز
  • *****
  • مشاركة: 1585
مجموعة من اجمل ما كتب الرائع بيرم التونسى
« رد #1 في: يوم 04-05-2010 , س 00:10:45 صباحاً »
يا سلام على اختياراتك الجميلة أخي
" إسلام "
قال يعني ختمت  بأحلى  الكلام مشان ننسى
البلاوي اللي فوق !!
اممممممممم
طااااااااااايب
ماااااشي
:)

شكراً لما أمتعتنا أخي " إسلام "
و مساء الفل يا
" باشا "
:)

:wrd:


" صوت الإيمان "
     

غير متصل ابن الكنانة

  • مشرف العلاقات العامة
  • عضو مميز
  • *****
  • مشاركة: 3728
مجموعة من اجمل ما كتب الرائع بيرم التونسى
« رد #2 في: يوم 04-05-2010 , س 01:03:28 صباحاً »
مقتبس من: صوت الإيمان;249624
يا سلام على اختياراتك الجميلة أخي
" إسلام "
قال يعني ختمت  بأحلى  الكلام مشان ننسى
البلاوي اللي فوق !!
اممممممممم
طااااااااااايب
ماااااشي
:)

شكراً لما أمتعتنا أخي " إسلام "
و مساء الفل يا
" باشا "
:)

:wrd:


" صوت الإيمان "
     

 
هههه

بس مش انا المسؤل عن البلاوى دى

انا نقلت بس :)

تحياتى اختنا صوت الايمان و لسة مخلصوش

القادم اجمل ان شاء الله

تابعي معانا بقى

تحياتى يا

هانم :)

منتديات رتوش

مجموعة من اجمل ما كتب الرائع بيرم التونسى
« رد #2 في: يوم 04-05-2010 , س 01:03:28 صباحاً »